«U jurystaŭ pryniata kamientavać abvinavačvańnie ŭ sudzie na publičnym adkrytym pracesie, kab luby niezaležny naziralnik moh vynieści ŭłasnaje mierkavańnie. Na žal, i heta ciapier stanovicca raskošaj», — skazaŭ jon.
«I ŭsio ž ja nie mahu zrazumieć, jak, viedajučy nie tolki ab usich publičnych učynkach, ale i ab kožnaj frazie, ab kožnaj dumcy tych, chto pracavaŭ razam sa mnoj tym letam, možna vykładać usio dakładna naadvarot u dakumiencie, jaki nakiravany na źmianieńnie žyćcia čałavieka na pieryjad da 12 hadoŭ. Ščyra kažučy, niahledziačy na ŭsio, što adbyvajecca, heta nie ŭkładajecca ŭ hałavie».
Adkazvajučy na pytańnie DW, što ciapier biełarusy mohuć zrabić, kab paskoryć jaho vyzvaleńnie, Maksim Znak skazaŭ:
«Jość vielmi prosty i pravilny sposab: śledčyja, prakurory, sudździ — jany ž taksama my, biełarusy. Dla majho chutkaha vyzvaleńnia dastatkova sumlenna, adkryta i publična razhledzieć maju tak zvanuju «spravu» pa zakonie. Voś i ŭsio.
