Chieli Montanien kładzie ahurok u płastykavy pakiet, uklučaje kamieru i… sychodzić na niekalki chvilin. Tak naradžajecca supier-papularnaje CikTok-videa, u jakim kot Maŭry vyciahvaje ahurok z sumki i pačynaje z apietytam jaho pahłynać. U «ahuročnaha katka» na kanale mauriandcucumbers bolš za 300 000 padpisčykaŭ, 80 adsotkaŭ ź jakich — heta zamiežniki. Pa słovach Chieli Montanien, mnohija amierykancy, naprykład, mocna dziviacca, kali bačać kata, jaki jeść harodninu.
— Jak tolki dastanu ahurok, kocik užo tut jak tut, — śmiajecca haspadynia.
Ale Maŭry nie tolki cudoŭny ŭ svaim pahłynańni ahurkoŭ i inšaj harodniny. Jon jašče elehantna hulaje na pavadku, lubić kamunikavać padčas prahułki ź dzikimi žyviołami i z zadavalnieńniem padarožničaje ŭ ciahniku, dzie navat časam sustrakajecca sa svaimi prychilnikami-padpisantami.
