Śpiecyjalist tłumačyć, što sistemy takoha kštałtu pracujuć pa pryncypie: vuhlakisły haz zapaŭniaje pamiaškańnie i źnižaje nieabchodny dla hareńnia pracent kisłarodu. Sama sistema stavicca ŭ pamiaškańniach, dzie pa normach biaśpieki nielha vykarystoŭvać vadu abo pienu: heta banki, muziei, archivy z papiarovymi dakumientami, elektrapadstancyi.
Pry spracoŭvańni sistemy adklučajecca vientylacyja, i pamiaškańnie zapaŭniajecca vuhlakisłym hazam. Darečy, pry adčynienych dźviarach jana nie spracuje.
Sistema nie zapuskajecca aŭtamatyčna, u jaje ručny pusk. Ałharytm taki: paśla sihnału ab pažary adkaznaja asoba pavinna pierakanacca, što ŭ pamiaškańniach niama ludziej, paśla čaho puścić haz. Jak praviła, heta zadača vachciora abo achoŭnika. U hetaj sistemy taksama jość abaviazkovaje apaviaščeńnie: sirena i śvietłavoje tabło z nadpisam «Haz, nie ŭvachodzić!» abo «Haz, sychodź!»
«Pry praviercy funkcyjanavańnia sistemy praviarajecca tolki pracazdolnaść zapusku — jak praviła, sami bałony z hazam adklučajucca ad puskavoj ustanoŭki. Na moj pohlad, mieła miesca hrubaje parušeńnie praviłaŭ, bo kali čałaviek atruciŭsia — značyć, bałony nie byli adklučany. I voś tut užo druhoje pytańnie: čamu supracoŭnik nie vyjšaŭ z pamiaškańnia? Niaŭžo nie pracavała jašče i hukavaja sihnalizacyja? Byvaje, što supracoŭniki arhanizacyi, jakaja pravodzić techničnaje absłuhoŭvańnie, prosiać adklučyć huk, kab jon nie pieraškadžaŭ», — raskazaŭ ekśpiert.
Pakul niama aficyjnaj infarmacyi, što mienavita adbyłosia ŭ muziei Janki Kupały. U hety momant Śledčy kamitet pravodzić pravierku i vyśviatlaje abstaviny zdareńnia.
