Hramadzianstva mohuć pazbavić za ŭdzieł u ekstremisckaj dziejnaści abo pryčynieńnie škody intaresam Biełarusi. Heta tyčycca tolki paŭnaletnich naturalizavanych hramadzian Biełarusi, heta značyć tych, jakija atrymali hramadzianstva nie pa naradžeńni.
Miera moža zakranuć naturalizavanych hramadzian Biełarusi, asudžanych za teraryzm; raspalvańnie rasavaj, nacyjanalnaj, relihijnaj abo sacyjalnaj varožaści; reabilitacyju nacyzmu; najmictva; stvareńnie niezakonnaha ŭzbrojenaha farmavańnia; masavyja biesparadki; zdradu dziaržavie; zmovu ci inšyja dziejańni, učynienyja z metaj zachopu dziaržaŭnaj ułady; zakliki da dziejańniaŭ, nakiravanych na pryčynieńnie škody nacyjanalnaj biaśpiecy Biełarusi.
Hetaja miera nie tyčycca hramadzian Biełarusi, jakija atrymali hramadzianstva pa fakcie naradžeńnia ŭ krainie.
Kali čałaviek naradziŭsia, naprykład, u Rasii ŭ savieckija časy, a potym pierajechaŭ u Biełaruś, to jon ličycca naturalizavanym hramadzianinam.
Tyja, chto naradziŭsia ŭ saviecki čas na terytoryi Biełarusi, ličacca hramadzianami krainy pa pravie naradžeńnia.
Praktyka pazbaŭleńnia hramadzianstva — heta nie vynachodka Biełarusi. Hetaja pracedura isnuje ŭ mnohich krainach, naprykład, u Francyi zakon ab hramadzianstvie taksama prapisvaje, što kali dakazanaja vina ludziej (naturalizavanych hramadzian) pa artykułach ab teraryźmie, to jany mohuć być pazbaŭlenyja francuzskaha hramadzianstva.
