Namieśnik ministra abarony Ukrainy Hanna Malar paabiacała pravieści ź lohkaatletkaj Jarasłavaj Mahučych hutarku z nahody jaje ahulnych fota z rasijankaj Maryjaj Łasickienie, što vyklikali vostruju reakcyju va ŭkrainskaj hramadskaści. Na Alimpijadzie-2020 u Tokia Łasickiene vyjhrała zołata ŭ skokach u vyšyniu, a Mahučych — bronzu.
«Spartoŭcy, jakija pradstaŭlajuć Ukrainu na mižnarodnych spabornictvach, pavinny zrazumieć, što va Ukrainie praciahvajecca rasijska-ŭkrainskaja vajna, heta ŭvodzić peŭnyja abmiežavańni i adkaznaść.
Razam z hetym, kali łaska, spynicie ździekavacca ź Jarasłavy, pakul my nie pačujem jaje ŭłasnych tłumačeńniaŭ. Jana ciapier znachodzicca ŭ Tokia. Adrazu paśla jaje viartańnia ŭ mianie pryznačana sustreča ź joj. Ja paviedamlu pra vyniki hutarki», — napisała Hanna Malar na svajoj staroncy ŭ sacsietkach.
