Viartańnie prachodzić u Ihnalinskim, Śviancianskim, Vilenskim, Varenskim, Šalčyninkskim rajonach i samakiravańni Druskienikaŭ, piša Delfi.
Pamiežniki paviedamili, što z boku Biełarusi niekalki razoŭ fiksavali paloty viertalota, uzmacnieńnie biełaruskich pahranvojsk, čuli niekalki strełaŭ na terytoryi susiedniaj krainy.
Pavodle źviestak słužby achovy miažy, patruli, jakija viartajuć mihrantaŭ, vykarystoŭvali i hukavyja paviedamleńni na roznych movach, jakija papiaredžvajuć patencyjnych parušalnikaŭ miažy ab tym, što zabaraniajecca prybyvać u Litvu ŭ niedapuščalnych miescach.
U minułyja sutki na miažy nie ŭžyvałasia słužbovaja zbroja, śpiecsrodki abo fizičny prymus.
Litoŭcy padkreślivajuć, što mihracyjny patok źmiaściŭsia na miažu Biełarusi i Łatvii. U noč na aŭtorak tam zatrymali 65 čałaviek, a za minułyja sutki — 200.