«Palicyja ŭžyła nieabchodnyja miery i razahnała natoŭp, zatrymanyja 26 čałaviek, jakich dastavili ŭ hałoŭny kamisaryjat palicyi», — raskazaŭ u sieradu kiraŭnik HKP Vilenskaj akruhi Saŭlus Hahas, piša Delfi.
Ich zatrymali pa padazreńni va ŭdziele ŭ biesparadkach. Pavodle palicyi, hetyja ludzi padazrajucca ŭ parušeńni hramadskaha paradku i naniasieńni traŭmaŭ palicyi.
«Ja pavinien skazać, što paciarpieli kala 10 palicejskich, supracoŭnikaŭ Słužby hramadskaj biaśpieki», — dadaŭ jon.
Kiraŭnik Słužby hramadskaj biaśpieki Ryčardas Pocius raskazaŭ Delfi, što troje vartavych paradku špitalizavanyja: adzin atrymaŭ kantuziju ŭ vyniku vybuchu, u druhoha pierałamanyja nohi vybuchovym pakietam, u treciaha pierałomy noh, atrymanyja ŭ vyniku naniasieńnia traŭmaŭ kamianiami.
U aŭtorak na akcyju pratestu kala parłamienta Litvy sabrałasia kala 5000 čałaviek. Jany vykazali svaju niezadavolenaść u suviazi z palitykaj urada i mahčymymi abmiežavańniami dla ludziej biez «pašparta mahčymaściaŭ».
Kančatkova razahnali ŭdzielnikaŭ akcyi tolki kala druhoj hadziny nočy. Byŭ užyty ślozaciečny haz.
Siońnia pratestoŭcy majuć namier sabracca la budynka ŭrada.
