Polskija pamiežniki paviedamili pra rost kolkaści sprobaŭ nielehalna trapić u krainu z terytoryi Biełarusi i čakajuć u hetyja vychadnyja značnaha napłyvu mihrantaŭ.
Za ŭčora było 130 takich sprobaŭ. Pamiežniki zatrymali 40 zamiežnikaŭ, astatnija 90 sprobaŭ niezakonnaha pierasiačeńnia nie dapuścili.
Siarod zatrymanych — 14 hramadzian Siryi, piaciora — vychadcy z Samali, a pachodžańnie astatnich jašče vyśviatlajuć. Mihrantaŭ źmieściać pad vartu ŭ śpiecyjalnyja centry pad kiravańniem pahraničnaj słužby.
Z pačatku žniŭnia Polšča zafiksavała bolš za 3200 sprobaŭ nielehalnaha pierasiačeńnia miažy ź Biełarusi. Ź ich 950 čałaviek zatrymali, astatnich udałosia nie prapuścić. U centrach utrymańnia nielehalnych mihrantaŭ zaraz znachodzicca kala 1100 čałaviek.
