U pasolstvie Biełarusi ŭ Rasii «kateharyčna abvierhli» raniej raspaŭsiudžanyja šeraham rasijskich ŚMI paviedamleńni sa spasyłkaj na pasła Uładzimira Siamašku ab padpisańni sajuznych prahram Łukašenkam i Pucinym na sustrečy 9 vieraśnia, paviedamlaje BiełTA.
U pasolstvie zajavili, što na sustrečy Pucina i Łukašenki buduć abmiarkoŭvacca biełaruska-rasijskija adnosiny, u tym liku tematyka raźvićcia Sajuznaj dziaržavy. «Padpisanyja sajuznyja prahramy mohuć być 10 vieraśnia na pasiadžeńni sajuznaha Saŭmina», — pracytavali ŭ dyppradstaŭnictvie raniej skazanaje Uładzimiram Siamaškam. U pasolstvie adznačyli, što mnohija rasijskija ŚMI dali skažonuju infarmacyju sa spasyłkaj na pasła.
U pasolstvie padkreślili, što ŭ vystupie pasła ab padpisańni sajuznych prahram Łukašenkam i Pucinym na sustrečy ŭ Maskvie nie havaryłasia.
Nahadajem, siońnia rasijskija ŚMI raspaŭsiudzili paviedamleńnie, u jakim śćviardžałasia, što pasoł Biełarusi Uładzimir Siamaška na sustrečy z hubiernataram Varoniežskaj vobłaści Alaksandram Husievym i vice-śpikieram Dziarždumy Alaksiejem Hardziejevym raskazaŭ pra padpisańnie Pucinym i Łukašenkam 9 vieraśnia ŭsich darožnych kart intehracyi.
Pra hatoŭnaść padpisańnia darožnych kart u hetym hodzie zajaŭlałasia nieadnojčy, adnak i terminy ssoŭvalisia.
