Kolkaść palityčnych źniavolenych praciahvaje pavialičvacca: u žniŭni palitviaźniami byli pryznany 49 čałaviek. Pa stanie na 1 vieraśnia kolkaść palitviaźniaŭ, jakija adbyvajuć pakarańnie ŭ papraŭčych kałonijach, u papraŭčych ustanovach adkrytaha typu, jakija źmiaščajucca ŭ SIZA i pad chatnim aryštam, składaje 653 čałavieki. Ź ich 511 čałaviek užo asudžany na roznyja terminy pakarańnia, u adnosinach da 30 čałaviek idzie sudovy razhlad, jašče 112 palitviaźniaŭ čakajuć sudu.
Viadoma pra nie mienš jak 136 asudžanych pa «pratesnych» kryminalnych spravach u apošnim letnim miesiacy. Ź ich 22,06% składajuć žančyny, 77,94% — mužčyny.
Hieahrafija prysudaŭ pa «pratesnych» kryminalnych spravach u žniŭni vyhladaje nastupnym čynam:
- Minsk — 25 čałaviek;
- Bresckaja vobłaść — 58 čałaviek;
- Hrodzienskaja vobłaść — 10 čałaviek;
- Minskaja vobłaść — 10 čałaviek;
- Mahiloŭskaja vobłaść — 11 čałaviek;
- Homielskaja vobłaść — 17 čałaviek;
- Viciebskaja vobłaść — 5 čałaviek.
Sumarna za žnivień pa palityčna matyvavanych kryminalnych spravach sudy vynieśli:
- 120 hadoŭ i 1 miesiac źniavoleńnia dla 43 čałaviek;
- 85 hadoŭ i 6 miesiacaŭ abmiežavańnia voli z nakiravańniem u papraŭčuju ŭstanovu adkrytaha typu («chimija») dla 39 čałaviek;
- 93 hady abmiežavańnia voł biez nakiravańnia ŭ papraŭčuju ŭstanovu adkrytaha typu («chatniaja chimija») dla 47 čałaviek;
- 3 miesiacy aryštu dla 1 čałavieka;
- 3 hady pazbaŭleńnia voli ŭ vychavaŭčaj kałonii dla 1 niepaŭnaletniaha;
- 120 hadzin hramadskich rabot dla 1 čałavieka;
- 480 bazavych vieličyń štrafu dla 4 čałaviek;
- 2300 bazavych vieličyń štrafu jak dadatkovaje pakarańnie dla 2 čałaviek.