Cieła padazravanaha ŭ zabojstvie 22-hadovaha chłopca ź Ladna znajšli ŭ rajonie vioski Padleśsie ŭ paniadziełak, 6 vieraśnia. Jaho kala abiedu vyjaviŭ mužčyna i patelefanavaŭ u milicyju. Cieła, kali jaho znajšoŭ žychar Słucka, znachodziłasia pobač z aŭtamabilem u lesapałasie za 500 mietraŭ ad darohi. Vierahodna, padazravany zastreliŭsia z ułasnaj palaŭničaj strelby.
Nahadajem, u niadzielu ŭ vioscy Ladna zabili 22-hadovaha chłopca. Jak paviedamlałasia raniej, jon sustrakaŭsia ź dziaŭčynaj, čymści jaje pakryŭdziŭ. Na abaronu dziaŭčyny staŭ jaje brat. Sustreŭšy chłopca paśla pracy, vyrašyŭ «pahavaryć». Nieviadoma, što adbyvałasia padčas hetaj «hutarki», ale maładoha čałavieka zabili — udaryli bolš za dziesiać razoŭ nažom.
Paśla hetaha mužčyna sieŭ u aŭtamabil i źjechaŭ.
