Druhaja partyja vakcyny pastupić u kancy vieraśnia.
Jak adznačyła siońnia na pres-kanfierencyi načalnik adździeła hihijeny, epidemijałohii i prafiłaktyki Minzdaroŭja Ina Karaban, u hetym siezonie važnyja i pryščepka ad hrypu, i ad karanavirusa, bo kali chvareć adnačasova, to nastupstvy mohuć być samyja surjoznyja.
«My pavinny prykłaści namahańni, kab minimizavać ryzyki i nastupstvy. Akramia vakcynacyi taksama źviartaju ŭvahu na zachavańnie elemientarnych praviłaŭ biaśpieki — našeńnie masak, sacyjalnaje dystancyjavańnie», — padkreśliła jana.
Asnoŭnyja hrupy vakcynavanych ad hrypu zastajucca niaźmiennymi — heta dzieci ad 6 miesiacaŭ, darosłyja z chraničnaj patałohijaj, piensijaniery 60-65+ hadoŭ, a taksama ludzi peŭnych prafiesij, naprykład, miedyki.
Jak paviedamlaje Minzdaroŭja ŭ svaim telehram-kanale, sioleta spačatku prapanujecca rabić pryščepki suprać karanavirusa (dźvie dozy) i paśla hetaha praz 14 dzion — pryščepku suprać hrypu. Vakcynacyja ŭ adzin dzień dapuščalnaja, kali niama supraćpakazańniaŭ.
Dla biaspłatnaj pryščepki budzie vykarystoŭvacca Rasijskaja vakcyna «Hrypoł Plus», a dla płatnaj — «Vaksihryp Tetra» (Francyja).
