«Udzieł na vybarach u Hruzii pradstaŭnikoŭ CVK Biełarusi — nie navina. Naziralniki ź Biełarusi pryjazdžajuć da nas z 2010 hoda, — rasskazali ŭ CVK. — Pa hruzinskich zakonach, padać zajaŭku na ŭdzieł u vybarach u jakaści naziralnikaŭ mohuć lubyja krainy. Hałoŭnaje — jurydyčna pravilna hetuju zajaŭku aformić. Lidzija Jarmošyna aformiła jaje pravilna, i takim čynam CVK Biełarusi zarehistravali».
Chto ŭsie ž zajaŭleny ŭ jakaści naziralnikaŭ? Sama Lidzija Michajłaŭna abo inšyja pradstaŭniki biełaruskaha Centrvybarkama?
«Možam skazać, što ad biełaruskaj CVK zarehistravana 2 čałavieki. Jeść u hetym śpisie Lidzija Jarmošyna ci nie, my havaryć nie budziem. Spytajciesia pra heta ŭ CVK Biełarusi», — patłumačyła pradstaŭnica CVK.
Nakont taho, ci mohuć źniać biełaruskuju hrupu z nazirańniaŭ, u CVK adkazali tak:
«Nie, zhodna z našymi praviłami heta niemahčyma. Kali pradstaŭniki CVK zarehistravanyja, jany buduć brać udzieł u vybarach u jakaści naziralnikaŭ».
Hruzinskija palityki praciahvajuć śćviardžać: zajaŭka była padadzienaja pad podpisam Lidzii Jarmošynaj. A heta značyć, što tearetyčna jana moža stać niezaležnym naziralnikam.
«U «Hruzinskaj mary» (kirujučaj partyi Hruzii — zaŭv. «NN») i Biełarusi — daŭni flirt, — kaža pradstaŭnik partyi «Adzinaja Hruzija — demakratyčny ruch» Anzor Bicadze. — Źjaŭleńnie proźvišča Lidzii Jarmošynaj na vybarach liču vyvieranym palityčnym krokam. Dumaju, havorka idzie pra jašče bolšyja damoŭlenaści Biełarusi z Hruzijaj u najbližejšych pierśpiektyvach. Kročym da taho, što nam usim chutka abvieściać: «Biełaruś — naš stratehičny partnior». Dokaz tamu: padpisanaje pahadnieńnie z KDB Biełarusi».
Pradstaŭniki hruzinskaj apazicyi ličać, što navat bieź Jarmošynaj treba zabaranić pradstaŭnikam biełaruskaha CVK udzielničać u nazirańni.
«Historyja z udziełam u vybarach pradstaŭnikoŭ CVK Biełarusi demanstruje ŭzrovień dehradacyi demakratyi ŭ Hruzii», — ličyć Anzor Bicadze.
Čytajcie taksama:
U Hruzii chvala abureńnia: Lidziju Jarmošynu zarehistravali niezaležnym naziralnikam na municypalnych vybarach
