«Naviny Paleśsia»
U Alšanach, dzie siońnia pražyvaje kala 8000 čałaviek, idzie poŭnaje ihnaravańnie vakcynacyi. Dźvie suboty zapar pryščepačny punkt u ahraharadku pracuje ŭpustuju. Nivodny žychar ahraharadka nie skarystaŭsia jaho pasłuhaj, paviedamlajuć «Naviny Paleśsia».
U minułuju subotu na ŭčastak pryjšoŭ adzin čałaviek, dyj toj nie miascovy, a ź vioski Remiel.
Čamu ludzi nie pryščaplajucca? Jość niedavier da vakcyny i ludzi bajacca supraćpakazańniaŭ. Tak tłumačyć Łarysa Kłačko: «U mianie arytmija i cisk, tamu ja nie viedaju, jak moj arhanizm adreahuje na vakcynu».
Taksama «Naviny Paleśsia» tłumačać heta i relihijnymi pierakanańniami. Alšany — pratestanckaja vioska, tut prychadžanaŭ carkvy kala 1000 čałaviek, jany mohuć mierkavać, što vakcyna «ad niačystaha».
Vydańnie prapanuje bolš pracy vieści z preśvitarami, kab tyja tłumačyli nieabchodnaść vakcynacyi.