«Za apošnija dni Dzianis Ivašyn zaŭvažna schudnieŭ, što dosyć składana ŭjavić, bo i tak jon maje chudarlavy vyhlad. Nastupstvy karcaru, vidavočna. Jak i prablemy z sercam, jakija paviarnulisia. Miedyk, jaki ahladaŭ Dzianisa paśla jahonaha vykliku, maje namier zrabić jašče adno EKH-daśledavańnie i vyklikać da našaha vajara kardyjołaha z palikliniki. Kali administracyja viaźnicy nie ŭmiašajecca ŭ praces kantrolu za zdaroŭjem viaźniaŭ u styli «nu vy ž usio razumiejecie» i nie skasuje vyklik, to heta budzie ŭžo druhi ahlad Dzianisa ŭ zaviaźničnych śpiecyjalistaŭ. Spadziajemsia, jon narešcie prymie rašeńnie nakiravać Dzianisa na pahłyblenaje daśledavańnie, a nie abmiažujecca standartnymi adpiskami pra «vsie chorošo, priekrasnaja markiza», — napisała Volha Ivašyna.
Dzianis Ivašyn byŭ zatrymany 12 sakavika, za kratami jon utrymlivajecca ŭžo vośmy miesiac. Jamu abvinavačvańniem vystavili artykuł 365 Kryminalnaha kodeksa (umiašańnie ŭ dziejnaść supracoŭnika ŭnutranych spraŭ). Niadaŭna stała viadoma, što Dzianisu vystavili jašče adno abvinavačańnie, ale jakoje — nie viedajuć navat rodnyja.
