Učora pradstaŭnik HUBAZiK Viačasłaŭ Arłoŭski ŭ efiry STB zajaviŭ, što najbližejšym časam u Biełarusi niekalki telehram-kanałaŭ i čataŭ, pryznanymi ekstremisckimi, buduć pryznanyja ekstremisckimi farmiravańniami.
«Ekstremisckija telehram-kanały, telehram-čaty paśla taho, jak my ličym ich ekstremisckimi farmiravańniami, jany razam z aŭdytoryjaj mohuć patrapić pad kryminalnuju adkaznaść», — skazaŭ jon.
Arłoŭski nie adkazaŭ prama na pytańnie ab mahčymym pieraśledzie padpisčykaŭ telehram-kanałaŭ, pryznanych ekstremisckimi. Spačatku jon zajaviŭ, što «svaboda słova, svaboda mierkavańniaŭ, zamacavanaja Kanstytucyjaj, biezumoŭna, nijakich pretenzij być nie moža da takich ludziej, jakija znajomiacca z roznaj infarmacyjaj, ale pry ŭmovie, kali jany nijakim čynam nie ŭdzielničajuć u raźvićci hetych ekstremisckich infarmacyjnych resursaŭ».
