Telegram pradstaviŭ ułasnuju rekłamnuju płatformu, spasyłkaj na jaje padzialiŭsia zasnavalnik miesiendžara Pavieł Duraŭ. Płatforma dastupnaja pa spasyłcy promote.telegram.org. Na sajcie servisu pakazana, što pakul jon pracuje ŭ testavym režymie.
«U kanałach Telegram ciapier sustrakajecca rekłama, jakuju publikujuć sami ŭładalniki Telegram-kanałaŭ u vyhladzie zvyčajnych paviedamleńniaŭ. Aficyjnyja rekłamnyja paviedamleńni, jakija ŭkaraniaje Telegram, buduć našmat bolš kamfortnymi dla karystalnikaŭ. Prybytak ad takich rekłamnych abjaŭ dazvolić Telegram dalej pakazvać karystalnikam biaspłatny i nieabmiežavany servis», — patłumačyŭ Duraŭ.
Rekłamnyja paviedamleńni buduć źjaŭlacca ŭ bujnych ahulnadastupnych kanałach z kolkaściu padpisčykaŭ nie mienš 1 tysiač. Ich pamier budzie abmiežavany 160 simvałami. Rekłamnyja paviedamleńni ŭ kanałach buduć publikavacca tolki pa temie, jakoj pryśviečany hety kanał. «Nijakija karystalnickija danyja nie źbirajucca i nie analizujucca dla adlustravańnia rekłamy, i kožny karystalnik, jaki prahladaje peŭny kanał u Telegram, bačyć adny i tyja ž spansavanyja paviedamleńni», — padkreślivajecca na sajcie płatformy.
Spačatku atrymanyja za rekłamu hrošy budzie atrymlivać tolki sam miesiendžar. Hetyja srodki nakirujuć na absłuhoŭvańnie pracy Telegram — pakryćcio vydatkaŭ na abstalavańnie i data-centry. Paśla taho jak funkcyja budzie zapuščana ŭ poŭnym abjomie, častka rekłamnych dachodaŭ budzie pieradavacca ŭładalnikam kanałaŭ, u jakich pakazvajecca rekłama.
