Jak miarkujecca, złačyniec nie čakaŭ, što doma buduć žonka i syn Jachantava, i zabiŭ ich jak śviedak, jak raspaviali krynicy «Kommiersanta».
Paśla zabojstva mužčyna adrazu źjechaŭ z Maskvy. Jaho abviaścili ŭ vyšuk i zatrymali ŭ Biełarusi, adkul jon, jak miarkujecca, źbiraŭsia źjechać u Jeŭropu.
Mužčynu ŭdałosia zatrymać dziakujučy zapisam ź videakamier, ustanoŭlenych u žyłym kompleksie, dzie žyŭ Jachantaŭ. Čakajecca, što 28 kastryčnika padazravanaha dastaviać u Maskvu.
Napiaredadni na Maśfilmaŭskaj vulicy ŭ Maskvie znajšli cieły mužčyny, žančyny i vaśmihadovaha dziciaci ŭ kvatery. Pa źviestkach krynicy «RIA Naviny», u darosłych byli nažavyja ranieńni, u chłopčyka — traŭma šyi. Śledčy kamitet raspačaŭ kryminalnuju spravu.
Zabity akazaŭsia adnym z top-mieniedžaraŭ maskoŭskaha filijała «Smalenskaha banka» Michaił Jachantaŭ. U 2016 hodzie jon staŭ fihurantam kryminalnaj spravy praz naŭmysnaje bankructva. Jaho abvinavačvali ŭ vyvadzie na rachunki padkantrolnych zamiežnych kampanij bolš za 600 miljonaŭ rasijskich rubloŭ. U 2019 hodzie Jachantava prysudzili da šaści hadoŭ kałonii. Z ulikam taho, što aryštavany jon byŭ jašče ŭ 2016 hodzie, a dzień u SIZA zaličvajecca za paŭtara dnia ŭ kałonii, termin u jaho skončyŭsia hetym letam.
Prysudam suda ź Jachantava i troch jahonych saŭdzielnikaŭ spahnali bolš za 8,4 miljarda rubloŭ na karyść Ahienctva pa strachavańni ŭkładaŭ.
