Paviedamleńnie ab jaje pieramozie źjaviłasia na sajcie konkursu.
Endemičny vyhlad, viadomy na movie maory jak pekapeka-tou-roa, abyšoŭ bolš 70 kankurentaŭ i atrymaŭ 58 561 hołas, paviedamiła zoaabarončyja hrupa Forest & Bird, jakaja pravodziła vybary, piša meduza.io.
«I ŭ adroźnieńnie ad papiarednich hadoŭ nijakich sprobaŭ machlarstva na vybarach!»- zajavili ŭ arhanizacyi. Jak adznačaje BBC News, paśla padviadzieńnia vynikaŭ karystalniki sacsietak raskrytykavali arhanizataraŭ, nazvaŭšy hałasavańnie «poŭnym farsam» i «ckradzienymi vybarami». Niekatoryja krytyki źviazali vynik hałasavańnia sa sprobaj adnavić imidž kažanoŭ, pfsavany na fonie pandemii karanavirusa, ale ŭ Forest & Bird heta admaŭlajuć.
Arhanizacyja Forest & Bird ŭpieršyniu za 16 hadoŭ praviadzieńnia vybaraŭ ptuški hoda ŭklučyła ŭ śpis dla hałasavańnia naziemnych mlekakormiačych, zajaviŭšy, što jany sutykajucca z tymi ž prablemami, što i ptuški.
