Pačynajučy ź sierady, 3 listapada, u ZŠA, adnoj ź pieršych krain u śviecie, pačali pryščaplać i dziaciej va ŭzroście 5-11 hod.
Rašeńnie było pryniata Centram pa kantrolu i prafiłaktycy zachvorvańniaŭ ZŠA ŭ aŭtorak, 2 listapada. Centr rekamiendavaŭ vakcynu Pfizer/BioNTech dla šyrokaha vykarystańnia siarod dziaciej małodšaha školnaha ŭzrostu. Dziciačaja doza Pfizer składaje adnu treć ad darosłaj, i pryščaplacca treba budzie hetak ža, jak i darosłym, dva razy, ź pierapynkam u 21 dzień.
U toj ža čas, Suśvietnaja arhanizacyja zdaroŭja nie zadavolenaja takim rašeńniem: vakcyny pakul nie chapaje biednym krainam, kab pryščapić najbolš uraźlivyja hrupy nasielnictva.
U Jeŭropie pryščaplać małodšych školnikaŭ pakul nielha.
0
0
0
0
0
0
