Łukašenka zajaviŭ pra spad zachvorvańnia i skazaŭ pra nieabchodnaść pastupova viartać da zvyčajnaj pracy tyja kliniki, jakija raniej byli pieraprafilavanyja pad lačeńnie z kavidam, piša BiełTA.
«Treba, Raman Alaksandravič (Hałoŭčanka), uvodzić u narmalnuju pracu balnicy — vyzvalać ad kavidu, dzie byli zadziejničany adździaleńni, kojki i balnicy. Chaj balnicy ŭ poŭnym abjomie prystupajuć da płanavych manipulacyj, apieracyj i dapamohi ludziam. Terapieŭtyčnyja adździaleńni chaj zajmajucca terapijaj, ankałahičnyja — ankałohijaj.
Treba kancentravać u adnoj-dźviuch, troch-čatyroch balnicach Minska kavidnych chvorych i ich lačyć. A astatnija balnicy vymyć, vyčyścić, i niachaj zajmajucca płanavymi manipulacyjami», — pastaviŭ zadaču Łukašenka.
Adnak jon taksama skazaŭ pra toje, što nie varta rassłablacca.
«Nie rassłablajciesia. My znoŭ ža nie viedajem, jak pavodziać siabie hetyja virusy. My jašče nie viedajem, jak adhukniecca na našym hramadstvie hryp. Jaho ciapier niama, navat adzinkavych (vypadkaŭ). Kavid, jak my kazali, zdušyŭ hryp. Ale my nie viedajem, jak budzie dalej. Tamu rassłablacca ni ŭ jakim vypadku nielha», — padkreśliŭ Łukašenka.
Asablivuju ŭvahu jon daručyŭ źviarnuć na situacyju ŭ Minsku, dzie, pa jaho danych, dastatkova šmat pacyjentaŭ ź ciažkim ciačeńniem chvaroby.
«Ja ŭžo papiaredziŭ učora ŭviečary ministra achovy zdaroŭja i ŭsich adkaznych, asabliva vas, Natalla Ivanaŭna (Kačanava), z Kucharavym, jakija adkazvajuć za Minsk, — ciažkachvoryja i śmiarotnaść, — padkreśliŭ Alaksandr Łukašenka. — Ciažkachvorych vielmi šmat. Tamu źviarnicie na heta ŭvahu».
«Dva miljardy dalaraŭ na pandemiju litaralna za dva ź lišnim hady. A ź nikoha nie ŭziali ni kapiejki za lačeńnie, vakcynacyju, testavańnie. Nichto ž hrošaj nie płacić. A heta nie dastajecca. Usie kryčać: «Fajzier! Fajzier!» A nichto nie spytaŭ, za kolki nam fłakončyk hetaha «Fajziera» prapanujuć. Ad 20 da 30 dalaraŭ tolki za adnu injekcyju! U nas svaja vakcyna napałovu tańniej. Toje ž samaje i testavańnie. Tamu nie treba kryčać. Daktary viedajuć, čym lačyć i vakcynavać. U nas dobryja vakcyny, nie horš, čym «Fajzier», — zajaviŭ Alaksandr Łukašenka.
Pry hetym jon padkreśliŭ: vybar preparata pry vakcynavańni ŭžo nabyŭ palityčnuju afarboŭku. «Užo pačałasia vajna vakcyn. Heta ž vielizarnyja hrošy, tamu kožny choča ŭciuchać svaju.
I našy źbiehłyja zakryčali: «Fajzier! Fajzier!» Na starcie stajać, hatovyja kalasić pa Jeŭropie. Tudy ž sa «Sputnikam» nie puskajuć, nie pryznajuć. Patrebny «Fajzier», «Maderna», «Džonsan i Džonsan», «AstraZienieka». Jašče raz padkreślivaju: śpiecyjalisty viedajuć, jakuju vakcynu my pavinny vykarystoŭvać», — adznačyŭ jon.
Łukašenka rasparadziŭsia pryvieźci mihrantam suchich droŭ i pryhraziŭ pierakryć haz u Jeŭropu. Što jašče
