«Tysiačy čałaviek, jakija pachodziać z roznych krain Blizkaha Uschodu i susiednich krain, u pošukach lepšaha žyćcia biahuć ad šmatlikich ciažkaściaŭ, u jakich jany akazalisia ŭ svaich rodnych krainach, i žadajuć znajści inšaje miesca žycharstva dla siabie i dla svaich siemjaŭ.
Niezaležna ad ciapierašniaha palityčnaha kryzisu ŭ Biełarusi, kryzis ź mihrantami patrabuje terminovych kankretnych rašeńniaŭ dla kantrolu nad patokami mihracyi i salidarnaści ŭsich, kab pajści nasustrač ludziam, asabliva dzieciam i žančynam, jakija na praciahu mnohich dzion zastajucca zabłakavanymi na miažy Biełarusi ź Jeŭrapiejskim Sajuzam.
Katalicki Kaścioł zaŭsiody blizki da tych, chto pakutuje abo znachodzicca ŭ ciažkich žyćciovych abstavinach, i praz svaju arhanizacyju Caritas imkniecca pryjści z humanitarnaj dapamohaj tym, chto maje ŭ joj patrebu.
Ja zadavoleny tym, što dyjacezijalnyja Caritas hetaj krainy, taksama jak i Caritas u Polščy, raspačali zbor dapamohi dla šmatlikich mihrantaŭ, jakija čakajuć nieadkładnych i doŭhaterminovych rašeńniaŭ.
Kaścioł molicca ab vyrašeńni hetaj nadzvyčajnaj situacyi i prosić ab dziejańniach taksama ŭ palityčnaj śfiery dziela ratavańnia čałaviečych žyćciaŭ.
U hetym sensie Śviaty Ajciec Papa Francišak niadaŭna vystupiŭ z zaklikam adnosna inšych patokaŭ mihrantaŭ u Jeŭrapiejski Sajuz, prosiačy «zabiaśpiečyć mihrantam hodnyja ŭmovy žyćcia i dostup da pracedur nadańnia prybiežyšča».
U hety momant nieabchodnaja salidarnaść usich, kab pieradusim ratavać žyćci ludziej i kab pryjści da najlepšaha rašeńnia dla tych, chto znachodzicca na miažy. Niemahčyma prosta hladzieć na tysiačy ludziej, jakija apynulisia na miažy pamiž žyćciom i śmierciu, čakajučy tryvałych rašeńniaŭ.
Zaachvočvaju ŭłady ŭsich zacikaŭlenych krain dziejničać rašuča i chutka, kab znajści navat časovyja rašeńni dziela vyratavańnia žyćciaŭ ludziej.
Ja zaachvočaju ŭsich viernikaŭ katolikaŭ praciahvać malicca ab najchutčejšym vyrašeńni ciapierašniaha kryzisu ź mihrantami ŭ krainie», — havorycca ŭ zajavie pradstaŭnika Vatykana ŭ Biełarusi.