Apielacyjnaja instancyja Masabłsuda źmiakčyła prysud 40-hadovamu hramadzianinu Biełarusi Andreju Cejko, jaki abvinavačvaŭsia ŭ tym, što hvałtoŭna vyviez va Ukrainu byłoha supracoŭnika FSB ramana Fijałkoŭskaha i abrabavaŭ jaho. Pieršapačatkova jaho prysudzili da 10 hadoŭ pazbaŭleńnia voli, ale ŭ vyniku skaracili termin da 9,5 hadoŭ, paviedamlaje RBK.
Sud nie pahadziŭsia z pazicyjaj abarony Cejko ab tym, što Fijałkoŭski dobraachvotna pahadziŭsia pakinuć svoj katedž u rajonie Damadziedava, pradaŭ abvinavačanamu i jahonym zmoŭščykam ułasny Range Rover Sport, a paźniej praź Biełaruś pa svajoj voli pierasiok ukrainskuju miažu. Były supracoŭnik FSB zapeŭnivaŭ, što z domu jaho pavieźli siłkom, pa darozie vymahali 50 miljonaŭ rasijskich rubloŭ, a za miažoj trymali ŭ padvale ŭ jakaści pałonnaha.
Razhledzieŭšy detali sud pahadziŭsia tolki z tym, što havorka išła nie pra razboj, a pra rabavańnie. Akramia hetaha, z kančatkovaha rašeńnia prybrali pryčynieńnie niebiaśpiečnaha dla zdaroŭja škody pry vykradańni: dakazać, što Fijałkaŭskamu pierad vykradańniem zrabili ŭkoł niejkaha preparata, tak i nie ŭdałosia.
Złačynstva, ab jakim idzie havorka, adbyłosia ŭ žniŭni 2018 hoda. Fijałkoŭski sapraŭdy apynuŭsia va Ukrainie i pry sprobie viarnucca ŭ Rasiju byŭ zatrymany supracoŭnikami SBU. U vyniku jaho — uładalnika firmy ŭ śfiery IT-technałohij — abvinavacili ŭ kantrabandzie špijonskaj techniki, pasadzili pad chatni aryšt, ale potym aštrafavali i adpravili na radzimu. Užo ŭ Rasii Fijałkoŭski napisaŭ zajavu.
Cejko — -adziny asudžany pa hetaj spravie. Dvoje jaho zmoŭščykaŭ zastalisia va Ukrainie i apynulisia tam pad śledstvam, zładziŭšy razborku z-za Range Rover.
