Getty Images
«Z hetaha času tolki vakcynavanyja ludzi i tyja, chto pierachvareŭ na COVID-19, zmohuć karystacca bolšaściu pasłuh, udzielničać u masavych mierapryjemstvach i mnohaje inšaje», - skazaŭ jon.
Pavodle jaho słoŭ, łakdaŭn dla niepryščeplenych i tych, chto nie chvareŭ, praciahniecca da kanca lutaha 2022 hoda. «My nie spynim virus, ale zmožam abaranić siabie. My pavinny navučycca žyć ź im», - dadaŭ Babiš.
Tak, skarystacca šeraham pasłuh, naviedać restaran abo masavyja mierapryjemstvy ŭ Čechii zmohuć tolki tyja, u kaho jość siertyfikat ab projdzienaj vakcynacyi, abo tyja, chto pierachvareŭ za apošnija paŭhoda.
Z 22 listapada ŭłady Słavakii taksama ŭviali łakdaŭn. Tak, niepryščeplenyja ludzi ciapier nie zmohuć naviedvać hramadskija miescy, akramia bazavych kram, siarod jakich praduktovyja i apteki.
Raniej premjer-ministr krainy Eduard Chiehier kazaŭ, što na takija miery ŭłady pajšli z-za rezkaha rostu kolkaści chvorych i špitalizacyj. Abmiežavalnyja miery ŭ krainie buduć doŭžycca try tydni, udakładniŭ jon.
Raniej pra łakdaŭn dla niepryščeplenych zajavili ŭ Aŭstryi, ale z paniadziełka tam uvodzicca ahulny łakdaŭn, a taksama zajaŭlena pra ahulnuju vakcynacyju.
