«Unutry padatkovaj sistemy buduć transfarmacyi. Heta ŭviadzieńnie ź lipienia padatku na dadadzienuju vartaść dla internet-handlu, dla elektronnych placovak, jakija mieli pradstaŭnictva ŭ Biełarusi da niadaŭniaha času, ale ciapier ŭciakli, pakinuli tolki punkty vydačy tavaraŭ, pierastali płacić absalutna padatki. I ciapier, sprabujučy prykryvacca u tym liku zastupnikami u Rasii, kažuć: my PDV u Biełarusi płacić nie budziem. My im kažam: dobra, pryniasicie tady zaklučeńnie, što vy zapłacili hety padatak u Rasii. Zaklučeńnie taksama nie prynosiać.
Tamu ŭ ramkach Jeŭrazijskaha sajuza hetaja tema budzie padymacca. Pavinna być vypracavanaje adzinaje rehulavańnie. My ž nie prosim čahości dla siabie dadatkova. My kažam: davajcie praviły hulni buduć dla ŭsich adnolkavyja. Tamu što siehmient internet-handlu staŭ zanadta značnym. Heta ŭžo 6% u ahulnym abarocie, heta niamała. Dazvolić jamu znachodzicca ŭ absalutna šeraj zonie i nie płacić padatki, nu nichto, ni adna kraina hetaha nie dazvolić», — adznačyŭ Dźmitryj Kruty.
Pavodle jaho słoŭ, PDV dla dachodnaj častki biełaruskaha biudžetu — zanadta značny padatak.
«Heta 40%. Hulacca z PDV nielha ni ŭ jakim vypadku», — ličyć Dźmitryj Kruty.
