U rekłamie cud-preparata pišacca, što zastalisia ŭsiaho 44 upakoŭki pry «navukova-daśledčym instytucie kardyjałohii» i ich možna atrymać pa kvocie biaspłatna, treba tolki zapoŭnić zajaŭku.
Skrynšoty rekłamy
Sam Łabadzienka pra rekłamu daviedaŭsia ad znajomych:
«Užo ź dziasiatak znajomych pierapytali mianie, ci dobry toj preparat ad hipiertanii, jaki ja rekłamuju. I skinuli razdrukavanyja skrynšoty».
Žurnalist znajšoŭ numary machlaroŭ i patelefanavaŭ, kab razabracca.
«Pieršaja žančyna skazała, što jana aficyjny pradstaŭnik zavoda. Nibyta ŭ ich biełaruska-šviejcarskaje pradpryjemstva, pramyja pastaŭki z Ałtajskaha kraja.
Pačała raskazvać pra karyść preparatu. Ja kažu: «Pakul vašu rekłamu nie ŭbačyŭ, hipiertanii nie było».
Kali pačuła pra rekłamu z maim tvaram i patrabavańnie prybrać, dała zadni chod: «My nie viedajem, chto rekłamu daje». Pa inšym numary čałaviek byŭ bolš zhavorlivym. Paabiacaŭ, što pieradaść usio dyrektaru», — raskazaŭ Hleb.
Ci padavać na machlaroŭ zajavu ŭ milicyju, jon jašče nie vyrašyŭ: naŭrad ci niadobrasumlennych pradaŭcoŭ zmohuć adšukać.
«Jasna, što pavierać u takoje tolki tyja, kaho Kašpiroŭski lačyŭ praz televizar i chto kuplaje filtry vady ŭ afierystaŭ, jakija chodziać pa kvaterach. Ale na ŭsialaki vypadak papiaredžvaju: hetaja rekłama — padman i machlarstva, nie viercie joj!
Adziny preparat, jaki ja mahu ŭsim prapisać, — heta porcyja čaradziejstva i zachapleńnia našaj słaŭnaj historyjaj u muziei «Stary Miensk»», — napisaŭ u Fejsbuku Łabadzienka.