«My zajaŭlajem rašučy pratest u suviazi z čarhovym etapam cisku na arhanizacyju i jaje vałancioraŭ, asudžajem parušeńnie pravoŭ čałavieka i svabod u jakaści instrumientaŭ cisku na pravaabaroncaŭ i vałancioraŭ, a naohuł — na ŭsie siehmienty hramadzianskaj supolnaści, i paćviardžajem svaju hatoŭnaść praciahvać mirnuju lehitymnuju dziejnaść pa abaronie i prasoŭvańni pravoŭ čałavieka», — paviedamlaje «Viasna».
Pačynajučy z 1 śniežnia, u Biełarusi raspačałasia «advolnaja ataka» na pravaabaroncaŭ i vałancioraŭ «Viasny», zajaŭlaje arhanizacyja. U bolš jak 20 vałancioraŭ i vałanciorak byli praviedzienyja vobšuki, paśla jakich adbylisia zatrymańni i dopyty. Sami vałanciory dali padpisku ab nierazhałošvańni danych.
Jak adznačaje «Viasna», raniej vałanciory taksama zaznavali pieraśled za svaju dziejnaść pa nazirańni za vykanańniem prava na spraviadlivy sud. Akramia taho, adna z vałanciorak paciarpieła ad advolnaha zatrymańnia, administracyjnaha aryštu i žorstkaha, niačałaviečaha abychodžańnia, u suviazi z čym arhanizacyja nakiravała paviedamleńnie ŭ AAN.