Fota: telehram-kanał ANT
Akramia ich, jašče dźvie ciažarnyja žančyny lažać u Hrodzienskim pierynatalnym centry. Adna na 14-m tydni, a druhaja — na 20-m. Paŭstaje pytańnie, a što budzie z hramadzianstvam hetych dziaciej?
U Biełarusi, u adroźnieńnie, naprykład, ad ZŠA, niama hramadzianstva pa naradžeńni. Zakon «Ab hramadzianstvie Respubliki Biełaruś» ad 2002 hoda kaža, što biełaruskaje hramadzianstva dzicia atrymlivaje, kali chacia b adzin ź jaho baćkoŭ źjaŭlajecca hramadzianinam Biełarusi.
Vidavočna, što biełaruskaha hramadzianstva ŭ maładych maci ci ich mužoŭ niama. U takim vypadku, niemaŭlatam vydaduć tolki miedycynskija daviedki ab tym, što jany naradziłsia ŭ Biełarusi. Hramadzianstva ich baćkam treba budzie afarmlać u ambasadzie svajoj krainy.
Miž tym, zusim niadaŭna stała viadoma, što Łukašenka svaim ukazam daŭ biełaruskaje hramadzianstva 448 ukraincam.