Patrabavańni kampanii tyčacca materyjałaŭ vydańnia pra «Dana Astra» i jaje suviazi z Alaksandram Łukašenkam. Jana choča, kab EUobserver vydaliŭ artykuły pad pahrozaj kampiensacyi strat z raźliku 2500 jeŭra za dzień.
U iskavoj zajavie, jakuju padali ŭ Brusieli, kampanija nastojvaje na tym, što materyjał nanosić škodu reputacyi zabudoŭščyka, stvarajučy iłžyvaje ŭražańnie ab atrymańni im pryvilejaŭ ad Alaksandra Łukašenki. Listy z papiaredžańniami byli nakiravanyja i žurnalistam vydańnia.
EUobserver nastojvaje na tym, što ŭsie źviestki, vykładzienyja ŭ artykule, paćviardžajucca aficyjnymi dakumientami.
Vydańnie adznačaje, što «Dana Astra» taksama asprečvaje ŭ sudzie sankcyi Jeŭrarady. Kampanija buduje ŭ biełaruskaj stalicy žyły kompleks «Minsk-Mir».
