Kruhlak, padrychtavany da vyvazu. Biełaruś, 2021 hod.
Ceny na draŭninu amal u dva razy pieravyšajuć uzrovień 2020 hoda, piša «Uoł-stryt džornał». Choć užo ŭ druhoj pałovie minułaha hoda ceny rezka raśli.
Fjučarsy na pastaŭku draŭniny ŭ ZŠA dasiahajuć amal $1100 za tysiaču doškavych futaŭ, miery vymiareńnia draŭniny, pryniataj u Paŭnočnaj Amierycy. Praŭda, heta ŭsio jašče našmat mienš, čym na piku cany — $1711,2 — na pačatku maja 2021-ha.
Rost cen na draŭninu pryvioŭ da pavieličeńnia koštu budaŭnictva va ŭsim śviecie.
Vytvorcy draŭniny, siarod ich Biełaruś, rynulisia vykarystoŭvać vyhadnuju kańjunkturu dla maksimizacyi prybytku.
Rost cen pačaŭsia ŭ siaredzinie 2020 hoda. Analityki źviazvali jaho z rostam abjomaŭ budaŭnictva pryvatnaha žytła ŭ ZŠA paśla doŭhaha pieryjadu spadu, vyklikanaha bankructvam ipatečnych hihantaŭ u 2008 hodzie. Ciapierašni ž padskok cen źviazvajuć z pavodkami ŭ Brytanskaj Kałumbii, kanadskim štacie, dzie vyrablajuć šmat draŭniny.
Biełaviežskaja, Nalibockaja, Hałubickaja — jakija sakrety chavajuć biełaruskija puščy FOTY
«Letaś płacili 150 rubloŭ, a ciapier — 360, dy jašče i čarha». Les daje rekordny prybytak, a prostyja biełarusy nie mohuć nabyć sabie drovy
