Miedycynskaja kampanija ZOE sumiesna ź lekarami i navukoŭcami z brytanskich univiersitetaŭ niadaŭna raspracavała dadatak ZOE COVID Study, u jakim ludzi z paćvierdžanym amikron-varyjantam karanavirusu dobraachvotna apisvali simptomy. Vysypka na skury — siarod časta zhadanych.
«U roznych pacyjentaŭ pačyrvanieńni na skury adroźnivajucca adzin ad adnaho. Chtości skardziŭsia na mocny śvierb, a inšyja, naadvarot, adznačali, što prypuchłaści ich nijak nie turbujuć», — havorycca ŭ artykule. Vysypka moža źjaŭlacca na rańnich stadyjach zaražeńnia i zachoŭvacca na praciahu doŭhaha času.
Akramia taho, zhodna infarmacyi ZOE, u Brytanii ŭ apošni čas uzrasła kolkaść vypadkaŭ, u jakich simptomy zaražeńnia amikron-štamam karanavirusu supadali ź simptomami zvyčajnaj prastudy. Tamu varta zdavać PŁR-test kožnamu, chto vyjaviŭ u siabie pieršyja prykmiety chvaravitaha stanu, padobnaha da prastudy.
Da prykmietaŭ infikavańnia «amikronam», jakija raniej nazyvalisia miedykami, taksama adnosiacca zakładzienaść nosu, suchi kašal i balučyja adčuvańni ŭ pajaśnicy.
U amikron-štama nazvali dva śpiecyfičnyja simptomy dla pryščeplenych ludziej
Niekatoryja vakcyny ad «amikrona» nie abaraniajuć zusim. Novyja daśledavańni
