Darevalucyjny recept
Fota: novikovschool.com
Inhredyjenty (nieabchodnyja pradukty na adnu porcyju):
- Rabčyk — pałova tuški,
- Bulba — 2 štuki,
- Ahurki — 1 častka
- Sałat — 3-4 listy
- Majanez — 1,5 stał. łyžki
- Šejki rakaŭ — 3 častki
- Łanśpik (vyparany da stanu žele bulon ź miasa) — 0,25 kubki
- Kapiersy — 1 čajnaja łyžka
- Aliŭki — 3-5 štuk
Narezać błankietami (brusočkami) file rabčyka i źmiašać z błankietami advarnoj, nie rassypistaj bulby i łustačkami śviežych ahurkoŭ. Dadać kapiersaŭ i alivak i zalić vialikaj kolkaściu majanezu. Astudziŭšy, pierakłaści ŭ talerku, upryhožyć rakavymi šyjkami, liścikami sałata-łatuka i łanśpikam. Padavać chałodnym.
Śviežyja ahurki možna zamianić bujnymi karnišonami. Zamiest rabčykaŭ, možna brać cialacinu, kurapatku i kurycu, ale sapraŭdny «Aliŭje» hatujecca abaviazkova z rabčykaŭ.
Saviecki varyjant
Fota: povar.ru
Inhredyjenty:
- Bulba varanaja (pažadana nie maładaja, a staraja) — 4 št. siarednich
- Morkva — 1 št.
- Jajki zvaranyja ŭkrutuju — 4 št.
- Kaŭbasa varanaja «Doktarskaja» — 300 h
- Ahurki marynavanyja (možna śviežyja) — 4 št. siarednich
- Harošak zialony kansiervavany — 1 słoik vahaj 200 h
- Majanez — 3-4 st. ł.
- Liście piatruški i kropu pa žadańni
- Sol
Zvaryć morkvu i bulbu, jajki ŭkrutuju. Narazać roŭnymi pa pamiery drobnymi kubikami jajki, bulbu, kaŭbasu, morkvu. Ahurki narezać i krychu adcisnuć, kab nie było šmat vadkaści ŭ sałacie. U narezanyja inhredyjenty ŭsypać harošak (źliŭšy vadu ź jaho), narezać zielaninu, źmiašać z majanezam. Pasalić. Prybrać u chaładzilnik na 1 hadzinu.
Niestandartny recept
Fota: favorite-recipes.ru
Inhredyjenty:
- 1/2 siaredniaj vendžanaj skumbryi
- 2 bulbiny
- 1 siaredniaja morkva
- 1 śviežy ahurok
- 1 salony ahurok
- 3 jajki
- 1 słoik zialonaha harošku
- Majanez
Advarycie, ačyścicie i narežcie siarednimi kubikami bulbu, morkvu i jajki.
Narežcie siarednimi kubikami skumbryju. Adkińcie na drušlak i pramyjcie vadoj zialony harošak. Narežcie kubikami ahurki. Źmiašajcie sałat u hłybokaj jomistaści i zapraŭcie majanezam pa smaku.
Niezvyčajny recept
Fota: lifehaker.ru
Inhredyjenty:
- 5 avakada
- 4 bulbiny
- 1 morkva
- 1 cybulina
- 2 varanych jajki
- 200 h krevietak
- zielanina
- sol
- majanez
- liście zialonaha sałata dla ŭpryhožvańnia
Bulbu i morkvu vymyć, advaryć, astudzić, ačyścić i narezać nievialikimi kubikami. Cybulu drobna narezać i ablić kipieniem. Jajki ačyścić i hetak ža drobna narazać. Krevietki advaryć i ačyścić. Zielaninu vymyć, pasiekčy.
Avakada razrezać napałovu, vydalić kostačku. Vostrym nažom akuratna vyrazać miakać, pakidajučy ścienki, i narazać jaje nievialikimi kavałačkami.
Bulbu, morkvu, cybulu, jajki, krevietki, zielaninu i avakada źmiašać. Pasalić, źlohku zapravić majanezam i jašče raz źmiašać. Napoŭnić sałatam pałoŭki avakada, vykłaści ich na tarełku i padać na stoł.
Čytajcie taksama: Kolki kaštuje nakryć navahodni stoł? Ličym minimalny biudžet
