Raniej infarmacyja pra incydent była tolki ŭ telehram-kanałach, aficyjnych kamientaroŭ nie było.
Zatrymanamu mužčynie, pavodle śledčych, 45 hadoŭ, jon raniej nie sudzimy i nidzie nie pracuje, nieadnarazova pryciahvaŭsia da administracyjnaj adkaznaści za raśpićcio śpirtnych napojaŭ i parušeńnie praviłaŭ darožnaha ruchu. Proźvišča jaho nie nazyvajecca, fota taksama pakul što nie publikujucca.
Dziejańni padazravanaha kvalifikujucca pa art. 289 (akt teraryzmu, učynieny paŭtorna) Kryminalnaha kodeksa.
Zdajecca, heta pieršy vypadak padryvu mašyny siłavikoŭ. Raniej u 2020 i 2021 hadach časam spalvali mašyny ludziej, datyčnych da falsifikacyi vybaraŭ i palityčnych represij, a taksama ablivali farbaj i prabivali koły.
Usiaho za pieryjad 2020—2021 hadoŭ u Biełarusi było bolš za 45 tysiač zatrymańniaŭ pa palityčnych matyvach, kala 40 tysiač čałaviek było zvolniena z pracy. Nichto nie panios pakarańnia i za palityčnyja zabojstvy i vykradańni, u tym liku Ramana Bandarenki, Juryja Zacharanki, Viktara Hančara.
MUS paćvierdziŭ padryŭ milicejskaha aŭto kala RUUSa. Padazravanaha zatrymali
