Fota nzherald.co.nz
Ab pieranosie cyrymonii šlubu palityk abviaściła padčas pres-kanfierencyi, pryśviečanaj kavidnym abmiežavańniam. Zhodna z novaŭviadzieńniami, z 24 studzienia ŭ krainie ŭvodzicca tak zvany čyrvony ŭzrovień niebiaśpieki, jaki praduhledžvaje paŭsiudnaje našeńnie masak, a taksama mocna abmiažoŭvaje kolkaść schodaŭ u hramadskich miescach.
U krainie zafiksavali za dzień novyja dzieviać vypadkaŭ amikronu
Na mierapryjemstvach možna budzie źbiracca ŭ kolkaści nie bolš za 100 čałaviek. Pry hetym kali ŭ hramadzian niama siertyfikataŭ ab vakcynacyi, limit haściej skaračajecca da 25 čałaviek, paviedamlaje New Zealand Herald.
Na pytańnie žurnalistaŭ, ci nie škada joj pieranosić ułasnaje viasielle, Ardern adkazała: «Takoje žyćcio. Ja ničym nie adroźnivajusia ad tysiač inšych novaziełandcaŭ, jakija adčuli na sabie značna bolš razburalnyja nastupstvy pandemii, naprykład, niemahčymaść być ź blizkimi, jakija ciažka chvoryja. Heta pieraŭzychodzić lubuju žurbu, jakuju ja adčuvaju».
Pavodle źviestak Univiersiteta Džonsa Chopkinsa, z pačatku pandemii ŭ Novaj Ziełandyi zarehistravanyja 15,5 tysiačy vypadkaŭ zaražeńnia karanavirusam. Ad infiekcyi pamierli 52 čałavieki. U krainie zroblenyja amal dzieviać miljonaŭ pryščepak ad kavidu.
