Nad instalacyjaj pad nazvaj «Praśpiekt uzychodziačaha sonca» pracuje viadomy polski skulptar Pavieł Altchamier. Jana budzie składacca z 7 adlitych z aluminiju fihur, jakija pradstaŭlajuć demakratyčnych aktyvistaŭ, źniavolenych režymam Alaksandra Łukašenki.
Havorka idzie, siarod inšaha, pra žurnalista i polskaha aktyvista Andžeja Pačobuta, kiraŭnicu Sajuza palakaŭ u Biełarusi Anžaliku Borys, pradstaŭnicu pieradvybarnaha štaba Viktara Babaryki Maryju Kaleśnikavu, biełaruskaha błohiera Siarhieja Cichanoŭskaha.
Pavodle skulptara, załatoha koleru fihury biełaruskich hierojaŭ buduć iści z vysoka ŭźniatymi hałavami, jak byccam ich tolki što vyzvalili ź niavoli. Skulptura «pavinna nahadać pra źniavolenych aktyvistaŭ i adnačasova pakazać, što ŭ ich u Polščy jość siabry, što my pakutujem razam ź biełarusami», — kaža skulptar.
«Takim čynam my chočam simvalična padtrymać biełarusaŭ na samym składanym etapie baraćby za svabodu. Ciapier Biełaruś akazałasia ŭ tym miescy, u jakim Polšča była paśla abviaščeńnia vajennaha stanovišča»,
— ličyć mer Voli Kšyštaf Stšałkoŭski.
«Mnie vielmi padabajecca hetaja ideja», — kaža pra pomnik prezident Varšavy Rafał Tšaskoŭski.
