Fota: Peter Macdiarmid / Getty Images
Ispanskaja hazieta El País apublikavała poŭny tekst adkazaŭ ZŠA i NATA pa prapanavanych Rasijaj u śniežni harantyjach biaśpieki. Havorka idzie pra dva dakumienty na anhlijskaj movie: adkaz aljansa na čatyroch staronkach i adkaz Vašynhtona na piaci staronkach, piša RBK.
U adkazie z boku ZŠA havorycca, što Złučanyja Štaty hatovyja abmierkavać z Rasijaj uzajemnyja abaviazacielstvy pa abmiežavańni razhortvańnia nastupalnych rakietnych sistem i sił va Ukrainie, a taksama pačać dyjałoh pa pytańniach kantrolu za ŭzbrajeńniami ŭ śfiery rakiet siaredniaj i mienšaj dalokaści.
Akramia hetaha, ZŠA hatovyja:
abmierkavać z Rasijaj miery ŭmacavańnia davieru pry praviadzieńni vučeńniaŭ u Jeŭropie;
ustrymacca ad raźmiaščeńnia jadziernaj zbroi va Uschodniaj Jeŭropie;
pačać dyjałoh ab kantroli nad uzbrajeńniami ŭ abmien na vyvad vojskaŭ i miratvorcaŭ z Kryma, Prydniastroŭja, Paŭdniovaj Asiecii i Abchazii;
praciahnuć pracu ŭ ramkach Rady Rasija — NATA;
praciahvać abmierkavańnie pytańniaŭ biaśpieki i ich interpretacyi z boku Rasii;
dać dostup rasijskim inśpiekcyjam da abjektaŭ supraćrakietnaj abarony ŭ Rumynii ŭ abmien na ahlad rasijskich abjektaŭ;
uklučyć novyja vidy jadziernych sistem u dalejšyja pahadnieńni pa kantroli nad uzbrajeńniami;
Razhledzieć dadatkovyja miery pa praduchileńni incydentaŭ z Rasijaj na mory i ŭ pavietry.
«Pazicyja ŭrada ZŠA zaklučajecca ŭ tym, što prahres pa hetych pytańniach [razzbrajeńnia i dvuchbakovaha davieru] moža być dasiahnuty tolki va ŭmovach deeskałacyi pahroźlivych dziejańniaŭ Rasii ŭ dačynieńni da Ukrainy», — skazana ŭ adkazie z boku ZŠA.
ZŠA taksama adznačyli, što mienavita Rasija parušyła davier, jaki lažyć u asnovie supracoŭnictva dźviuch krain, i «kinuła vyklik asnovatvornym pryncypam hłabalnaj i jeŭraatłantyčnaj architektury biaśpieki». Akramia taho, Vašynhton papiaredziŭ, što dalejšaje naroščvańnie Rasijaj svaich vajskovych sił abo ahresija suprać Ukrainy pryviadzie da anałahičnych krokaŭ z boku ZŠA i sajuźnikaŭ.
U MZS Rasii nie stali paćviardžać ci abviarhać sapraŭdnaść apublikavanych Pais dakumientaŭ, nakiravali z hetym da ZŠA.
