Premjer Rasii Michaił Mišuścin daŭ rasparadžeńnie ministerstvu abarony i MZS pravieści pieramovy i padpisać ź biełaruskim bokam pahadnieńnie ab akazańni humanitarnaj dapamohi Siryjskaj Arabskaj Respublicy. U tekście rasparadžeńnia, apublikavanaha na interniet-partale pravavoj infarmacyi, havorycca, što prajekt dakumienta papiarednie prapracavany ź Biełaruśsiu.
Prajekt pahadnieńnia rehuluje pytańni, źviazanyja z udziełam biełaruskich vajskoŭcaŭ u akazańni humanitarnaj dapamohi na siryjskaj terytoryi. Usie ich dziejańni buduć prachodzić sumiesna z rasijskimi padraździaleńniami.
«Biełaruski vajskovy kantynhient da 200 čałaviek pryciahvajecca da vykanańnia mierapryjemstvaŭ vyklučna ŭ humanitarnych metach pa-za zonaj bajavych dziejańniaŭ», — havorycca ŭ dakumiencie.
Čytajcie taksama:
«Źjadajuć suvierenitet». Zdabyli i praanalizavali nieapubličanyja dakumienty ab intehracyi, jakija padpisali Łukašenka i Pucin
