«Vyklučna ŭ humanitarnych metach pa-za zonaj bajavych dziejańniaŭ». Ale ž z pravam vykarystańnia zbroi
Učora ŭviečary ŭ publičnaj prastory źjaviłasia infarmacyja, što biełaruskich vajskoŭcaŭ mohuć nakiravać u Siryju, a siońnia, 8 lutaha, Łukašenka abvierh hety namier, nazvaŭšy infarmacyju fejkam: «Adzinaje, pra što išła havorka, daŭno-daŭno jana idzie, siryjski kiraŭnik, urad Siryi paprasili nas daktarami dapamahčy. Ja kažu: dobra, kali chtości zachoča pajechać z našych daktaroŭ, pierš za ŭsio vajskoŭcaŭ, jany pajeduć. Ale nie ciapier. Bo u nas svaich prablem vyšej za hałavu».
Ale rasparadžeńnie ŭrada Rasii (ad 3 lutaha 2022 hoda) №165-r na momant publikacyi jašče možna było znajści na aficyjnym sajcie. My pračytali jaho, i vyznačyli najbolš važnyja momanty.
Aproč taho, što naša kraina zhadvajecca jak «Riespublika Biełoruśsija», źviartajuć na siabie ŭvahu dźvie akaličnaści.
Pa-pieršaje, u dakumiencie niekalki razoŭ padkreślivajecca humanitarny charaktar dapamohi: «Biełaruski voinski kantynhient pryciahvajecca da vykanańnia mierapryjemstvaŭ vyklučna ŭ humanitarnych metach pa-za zonaj bajavych dziejańniaŭ».
Fota Ministerstva abarony
U toj ža čas, u rasparadžeńni skazana, što «uzbrajeńnie, vajennaja technika i bojeprypasy pieradajucca biełaruskamu boku na biazvypłatnaj asnovie», a «asabovy skład biełaruskaha vajskovaha kantynhientu maje prava na zachoŭvańnie, našeńnie, prymianieńnie i vykarystańnie zbroi ŭ miescach dysłakacyi rasijskaj avijacyjnaj hrupy».
Pa-druhoje, biełaruski vajskovy kantynhient budzie padparadkoŭvacca centru Uzbrojenych Sił RF (chacia i zastajecca pad kamandavańniem biełaruskaha boku) i faktyčna stanie isnavać za košt rasijskaha vojska: armiejcy ź Biełarusi buduć zabiaśpiečanyja pražyvańniem, charčavańniem, materyjalnymi srodkami, navat pierakładčykam na arabskuju movu.
Skład, kolkaść, arhanizacyjna-štatnaja struktura i zadačy vyznačajucca i zaćviardžajucca biełaruskim bokam, ale ž uzhadniajucca i z rasijskim. Zhodna z dakumientam, Biełaruś nakiroŭvaje voinski kantynhient kolkaściu da 200 čałaviek.
Što heta za centr, jakomu buduć padparadkoŭvacca biełaruskija vajskoŭcy, kali ich usio ž taki nakirujuć u Siryju?
Jon pačaŭ pracavać šeść hadoŭ tamu. Siarod dekłaravanych zadač: miechanizm kantrolu za vykanańniem režymu spynieńnia ahniu, sadziejničańnie pieramoŭnamu pracesu ab prymireńni, arhanizacyja dastaŭki humanitarnaj dapamohi mirnamu nasielnictvu.
«Adpraŭlać vajskoŭcaŭ terminovaj słužby nichto nie budzie. Kankurencyja siarod kantraktnikaŭ budzie niemałoj»
U Biełarusi dastatkova piersanału z surjoznym tearetyčnym i praktyčnym vopytam dla adpraŭki kantynhientu ŭ 200 čałaviek u metach humanitarnaj misii, ličyć vajenny ahladalnik Jahor Lebiadok.
Jon miarkuje, što ŭ Siryju mohuć być nakiravanyja, u pryvatnaści, miedyki i śpiecyjalisty pa raźminiravańni: «Humanitarnaja dapamoha — heta pierš za ŭsio raźminiravańnie i miedycynskaje zabieśpiačeńnie voinskich kantynhientaŭ i hramadzianskaha nasielnictva».
Pa jaho danych, z 2010 hoda bolš za 50 vajennasłužačych Biełarusi nabyli praktyčny vopyt padčas vykanańnia miratvorčych zadač u składzie časovych sił AAN u Livanie, bolšaja častka ź ich miedyki.
Fota Ministerstva abarony
«Tamu ŭ Siryju mohuć być nakiravanyja miedyki z vopytam miratvorčaj dziejnaści, a taksama, u pryvatnaści, z Respublikanskaha centra pa lačeńni ahniastrelnych ranieńniaŭ i minna-vybuchovych traŭmaŭ», — piša Jahor Lebiadok u svaim telehram-kanale.
Taksama jon zhadvaje, što 1 listapada 2019 hoda na bazie supraćminnaj słužby 2-j inžyniernaj bryhady (Sosny) byŭ sfarmavany supraćminny centr Uzbrojenych Sił, jaki pryznačany dla padrychtoŭki i pavyšeńnia kvalifikacyi vajennych śpiecyjalistaŭ u vykanańni zadač pa raźminiravańni. Za dva hady padrychtoŭku tam prajšli 703 vajskoŭcy.
«Viadoma ž, sałdat terminovaj słužby pasyłać nichto nie budzie. Ad ich niama tołku tam, i kankurencyja siarod kantraktnikaŭ budzie niemałoj. Kamandziroŭka ŭ Siryju nie ŭ bajavych padraździaleńniach, asabliva na vysokich pasadach, — heta dobryja hrošy, lhoty i mahčymaść dla karjernaha rostu», — ličyć vajenny ahladalnik.
Pa jaho słovach, najbolš vyhadnaje nakiravańnie biełaruskich vajskoŭcaŭ Rasii:
«Heta nadaść joj bolšuju palityčnuju vahu i lehitymnaść na mižnarodnym uzroŭni jaje dziejańniam u Siryi. Pradstaŭnictva krain (Rasija, Biełaruś i Armienija) dazvalaje pierafarmatavać rasijskija dziejańni ŭ Siryi ŭ miratvorčuju (humanitarnuju) apieracyju ADKB, što budzie mieć takoje nieabchodnaje palityčnaje značeńnie dla arhanizacyi i jak by praciaham «miratvorčaj dziejnaści», raspačataj u Kazachstanie».
«Łukašenka nie zhodny sa strataj subjektnaści»
Siońniašniaje pasiadžeńnie Rady biaśpieki i zajavy ab fejku, chutčej za ŭsio, źviazanyja ź pieramovami Makrona i Pucina, što prajšli ŭčora, ličyć palityčny ahladalnik Alaksandr Frydman.
Jon źviartaje ŭvahu, što biełaruskaja prapahanda adreahavała na navinu pra nakiravańnie biełaruskich vajskoŭcaŭ u Siryju davoli apieratyŭna: «U praŭładnych Telegram-kanałach tłumačyłasia, nibyta ničoha ž takoha niama, heta humanitarnaja akcyja, nichto ŭdzielničać va ŭzbrojenych dziejańniach nie budzie. Da pasiadžeńnia Rady biaśpieki nichto nie abviarhaŭ adpraŭku biełarusaŭ u Siryju».
Što ž źmianiłasia za noč? Alaksandr Frydman źviazvaje davoli rezkuju reakcyju Łukašenki z zajavami, jakija zrabiŭ Makron paśla sustrečy z Pucinam: «Usio, što kazaŭ prezident Francyi na pres-kanfierencyi, hučała pryhoža, adnak u toj ža čas ahulna i pafasna. Kali ž jon pierajšoŭ da biełaruskaha kiejsu, to adrazu pačałasia kankretyka. Makron zhadaŭ refierendum, jadziernuju zbroju i rasijskija vojski. A paśla skazaŭ, što Pucin jaho supakoiŭ. Što heta značyć? Chto jaho viedaje. Ale siońnia infarmacyjnaje supravadžeńnie praciahnułasia, i Rasija paćvierdziła vyvad vojskaŭ paśla vučeńniaŭ».
Źjavilisia aptymistyčnyja dla biełarusaŭ paviedamleńni ab tym, što rasijskija vojski paśla vučeńniaŭ buduć vyviedzienyja, a kraina zastaniecca niezaležnaj. Taksama zhadvałasia jadziernaja zbroja z namiokam na zachavańnie ciapierašniaha statusu-kvo.
Fota Ministerstva abarony
«Hetyja zajavy, napeŭna, raźjušyli Łukašenku, — miarkuje Alaksandr Frydman. — Vidavočnych pryčyn dźvie. Pieršaja. Apošnim časam jon išoŭ na abvastreńnie kanfliktu, kab atrymać peŭnyja dyvidendy, i deeskałacyja dla jaho niavyhadnaja.
Druhaja. Łukašenka nie zhodny sa strataj subjektnaści, kali biełaruskaje pytańnie abmiarkoŭvajecca bieź jaho. Jon nie moža prymirycca z rolaj maryjanietki, a patrabuje, kab jaho ŭsprymali jak subjekt i vyrašali važnyja pytańni mienavita ź im».
U hetaj suviazi palityčny ahladalnik ličyć pakazalnaj reakcyju dziaržaŭnaj prapahandy: «Učora ŭviečary jana imknułasia jak maha chutčej prakamientavać zajavy Makrona i pieriechapić paviestku. Hučała, nibyta pa biełaruskich pytańniach Pucin pieranakiroŭvaŭ prezidenta Francyi da Łukašenki. Zrazumieła, što heta fantazii, ale jany vielmi krasamoŭnyja, bo śviedčać, što dla Łukašenki nieprymalna, kali biełaruskija spravy vyrašalisia bieź jaho ŭdziełu».
Što ž tyčycca nakiravańnia biełaruskich vajskoŭcaŭ u Siryju, to Alaksandr Frydman kaža nastupnaje: «Nakolki ja razumieju, dla hetaha patrebnaje zaprašeńnie Asada, adnak aficyjna ab hetym nichto da siońniašniaj zajavy Łukašenki nie kazaŭ. Vyhladaje tak, što rašeńnie było pryniataje ŭ Maskvie. To-bok Rasija pakazvaje: my budziem vykarystoŭvać biełaruski resurs, jak vyrašym. Asnoŭnaja meta — prademanstravać, što my rasparadžajemsia, bo z vajskovaha punktu hledžańnia nijakaj patreby niama».
Čym abierniecca rezkaja zajava, jakaja była dapuščanaja siońnia na Radzie biaśpieki? Palityčny ahladalnik ličyć, što da padobnych krokaŭ Łukašenki ŭ Maskvie ŭžo pryzvyčailisia, tym bolš ciapier jon vyhadny jak fihura, što akazvaje vonkavy cisk na Zachad.
Jak zaŭvažaje Alaksandr Frydman, hety tydzień moža stać vyrašalnym ŭ dypłamatyčnym sensie ŭ dačynieńni da situacyi vakoł Ukrainy: «Usio, što možna zrabić, z zachodniaha boku budzie zroblena».
«Ułady ŭsio padzielać pamiž saboj». Palitołah Šulman pra toje, jak pracuje prapahanda i čamu nielha być «pa-za palitykaj»
Jahor Lebiadok: Da 2026-2028 hadoŭ vierahodnaść vajny ŭ našym rehijonie składzie dva z troch
«Łukašenka pačaŭ apošniuju hulniu ŭ svaim palityčnym žyćci». Vialikaja hutarka z historykam i palityčnym ahladalnikam Alaksandram Frydmanam
