Šlacham častkovaha składańnia pakarańnia, pakolki Volha adbyvaje termin u dva hady chatniaj «chimii» pa pieršaj spravie ab abrazie hetaha ž supracoŭnika, žančynie prysudzili try hady chatniaj «chimii», a taksama štraf pamieram u 50 bazavych (1600 rubloŭ) + 1000 rubloŭ maralnaj kampiensacyi milicyjantu Kucko.
Volhu ŭžo sudzili za «abrazu» hetaha ž supracoŭnika ŭ žniŭni 2021 za emodzi «haŭniaška» ŭ adras milicyjanta. Tady joj dali dva hady «chatniaj chimii» i abaviazali vypłacić paciarpiełamu dźvie tysiačy rubloŭ maralnaj kampiensacyi, paviedamlajuć pravaaabaroncy.
Minułym razam zapyt dźviuch tysiač maralnaj kampiensacyi Kucko abhruntavaŭ tym, što z-za kamientaryja ŭ vyhladzie emodzi jaho žoncy pastupali pahrozy.
Ciapier žančynu asudzili za kamientaryj «ab*ŭsia i zhańbiŭsia» u čacie Ivacevičaŭ, jaki nibyta pakinuła Volha. Abodva sudy prachodzili ŭ zakrytym režymie pa chadajnictvie paciarpiełaha milicyjanta Kucko z «metaj praduchileńnia vydavańnia źviestak, jakija źnievažajuć hodnaść paciarpiełaha».
Volha adna vychoŭvaje dačku, jana — ramieśnica, padtrymać jaje možna tut.
