Fota: Facebook Hanny Sieviaryniec
«Niejki čałaviek razmalavaŭ tablički na kryžach u Kurapatach. Panapisvaŭ roznaha. Adzin nadpis rezanuŭ mianie mocna. Na šyldach pa Dudaru i Kavalu hety čałaviek napisaŭ, nibyta kryknuŭ: «Tut ich niet!» Tut ich i sapraŭdy — niet. Mo, dzie pad haražnym kaapieratyvam u Łošycy, pad bietonnaj placoŭkaj. Mo dzie pad navabudami Kamiennaj Horki. Pad kinateatram «Arbita». A moža, naohuł na śmietniku, kudy zvozili kości pry budaŭnictvie kalcavoj», — adznačyła Hanna Sieviaryniec.
«Ja siońnia z dapamohaj pačała rychtavać Dudarovy vieršy dla «Biełaruskaj palički», a to tam niašmat jahonych vieršaŭ i ŭsio nie samyja lepšyja. A ciapier ja ich pakrysie pieraviadu ŭ patrebny farmat, i jany tam buduć. I Taŭbina pieraviadu, i Čarota, i Kulbaka. Jany tut jość. A ŭ čałavieka taho adsochnie ruka», — napisała Sieviaryniec.
Pa słovach piśmieńnicy, šyldy ŭžo admyli. Heta nie pieršy akt vandalizmu va ŭročyščy Kurapaty. Adnak pakul nivodnaha vandała nie znajšli.
U Kurapatach znachodziacca pachavańni achviaraŭ masavych rasstrełaŭ u 1937-1941 hadach. Kolki dakładna tut rasstralali čałaviek, nieviadoma. U noč z 29 na 30 kastryčnika 1937 hoda NKVD rasstralaŭ tut 108 biełaruskich kulturnych dziejačaŭ i vučonych, siarod jakich byli paety i piśmieńniki, krytyki i pierakładčyki.
