Hałoŭnaja asablivaść doma ŭ tym, što ŭ im nie budzie centralnaha kłasičnaha ciepłanośbita, paviedamlajuć Minsk-naviny.
Aciapleńnie pamiaškańniaŭ praduhledžanaje za košt indyvidualnych adnakonturnych elektrakatłoŭ, raźmieščanych u izalavanym techničnym pamiaškańni kožnaj kvatery. Hetyja ahrehaty buduć padahravać vadu, što padajecca ŭ sistemu aciapleńnia.
U pakojach zmantujuć stalovyja panelnyja radyjatary z termastatyčnymi kłapanami dla rehulavańnia ciepłaaddačy.
Kiravańnie praduhledžvajecca ŭ ručnym abo aŭtamatyčnym režymie z padtrymańniem zadadzienaj tempieratury pavietra ŭ pamiaškańni i ciepłanośbita ŭ sistemie aciapleńnia. Što važna, prybory takoha typu pracujuć biasšumna.
Akramia katłoŭ, u techničnym pamiaškańni kožnaj kvatery taksama ŭstalujuć elektrabojler jomistaściu 200 ł. Jon zabiaśpiečyć padahreŭ i kamfortnaje vykarystańnie haračaj vady navat pry maksimalnych režymach vodaspažyvańnia. Jość taksama režym, jaki dazvalaje nahreć vadu da 50 hradusaŭ.
Dom pavinny zdać u mai 2023 hoda. Žyć u im buduć siemji rabotnikaŭ Departamienta achovy, a taksama šmatdzietnyja.
Pieršyja elektradamy ŭ stalicy pabudavali ŭ 2021-m u Maskoŭskim rajonie na skryžavańni vulic Hrušaŭskaj, Papanina i Ščorsa.
Pobač raźmiaściłasia modulnaja kacielnia na 4 elektrakatły, jakija nahravajuć i padajuć ciepłanośbit ŭ damy. Dla spažyŭcoŭ ža ŭsio zvykła: u kvaterach niama dadatkovaha abstalavańnia, ustanoŭlenyja zvyčajnyja radyjatary.
