Uładzimira Kraŭčanku siłaviki zabrali z zaniatkaŭ u škole, dzie jon pracuje. Pravaabaroncu zavieźli ŭ adździaleńnie milicyi i skłali pratakoł pavodle art. 19.11 KAAP RB — za raspaŭsiudžvańnie ekstremisckich materyjałaŭ.
Pravaabaroncy paviedamlajuć, što padstavaj zatrymańnia, chutčej za ŭsio, stali ilustracyi z łahatypam telekanała, pryznanaha biełaruskimi ŭładami ekstremisckim. Hetyja vyjavy byli znojdzienyja ŭ noŭtbuku ci smartfonie.
Zatym Uładzimira Kraŭčanku adpuścili, ale paviedamili jamu, što sudovy praces pa jaho spravie adbudziecca 17 lutaha ŭ 14:30 u sudzie Leninskaha rajona.
U hety ž čas u sudzie Mahiloŭskaj vobłaści pačniecca sud z nahody likvidacyi hramadskaha abjadnańnia «Mahiloŭski pravaabarončy centr», dyrektaram jakoha Uładzimir Kraŭčanka źjaŭlajecca. Takim čynam, u vypadku suda pa administracyjnym pratakole za raspaŭsiudžvańnie ekstremisckich materyjałaŭ, Kraŭčanka moža nie patrapić na sud pa likvidacyi Mahiloŭskaha pravaabarončaha centra.
