«Siarod inšych my razhladali scenaryj, što RF pasprabuje litaralna akružyć vojskami: ad Bresta da Tahanroha, pa sušy, na dvuch morach i ŭ časova akupavanym Krymie. I abaznačyć aktyŭnaść u Prydniastroŭi. Taksama čakałasia, što RF na fonie hetaha spravakuje abvastreńnie na ŭschodzie Ukrainy», — cytuje słovy ministra «RBK-Ukraina».
Ministr dadaŭ, što ŭsio heta budzie supravadžacca inšymi srodkami cisku: kibieratakami, miniravańniami cyvilnych abjektaŭ, sprobami zładzić biesparadki.
«Meta hetych dziejańniaŭ — raschistać Ukrainu znutry, kab my źmianili palityčny kurs i admovilisia ad ES i NATO, a ŭrešcie stracili niezaležnaść. Ciapier hety scenaryj sprabujuć uvasobić», — paviedamiŭ jon.
Pavodle jaho słoŭ, la miežaŭ Ukrainy padraździaleńni RF naličvajuć 127 tysiač čałaviek na ziamli, a z marskim i avijacyjnym kampanientami — 147 tysiač.
«My nie bačym advodu i nie havorym ab pamianšeńni kolkaści (vajskoŭcaŭ). Tyja častki, jakija ciapier u ruchu, mohuć viarnuć u papiarednija miescy abo pierakinuć na inšy ŭčastak», — paviedamiŭ Alaksiej Reźnikaŭ.
