Čały ličyć, što płan Pucina — źmiena ŭłady va Ukrainie. Analityk miarkuje, što blickryh Pucina pravaliŭsia i razvažaje pra toje, čamu pačałasia vajna i da čaho jana pryviadzie.
«Toje, što zdaryłasia, nasamreč źjaŭlajecca absalutna zakanamiernym, u tym liku i dla Łukašenki», — kaža Siarhiej Čały, źviazvajučy ciapieršnija padziei z vybaram Łukašenki ŭ žniŭni 2020-ha. — Ukraina dla Rasiei ciapier — heta Afhanistan dla Savieckaha Sajuza. Heta vajna, u jakoj niemahčyma pieramahčy. Čym bolš zaciažnoj hetaja vajna budzie, tym bolš budzie zrazumiełaja stratehičnaja paraza Rasiei. Nikoli hetyja vojny nie vyjhrajucca razmovami pra šok i trapiatańnie, pra vysokadakładnuju zbroju. Heta zaŭždy vajna na źniasileńnie».
Hałoŭny ŭrok, na dumku Čałaha, jaki možna z hetaha vynieści, — amierykanskaja vyviedka vielmi dobraja i dakładnaja.
«I miarkujučy pa tym, jak pavodzić siabie ciapier Dziarždep, z hetaha pačynałasia i ŭ Kijevie, ja tak razumieju, što jany majuć infarmacyju ab tym, što i biełaruskija vojski chutčej za ŭsio, mahčyma, užo ŭ paniadziełak uviažucca ŭ hetuju vajnu, vykonvajučy sajuźnicki doŭh», — pradbačyć jon.
Analityk kaža, što ŭžo zaraz my možam havaryć pra nastupstvy.
«Fokus u tym, što pamiž narodami, u tym liku i našym… Nu, što nam było da ŭkraincaŭ? Heta, viadoma, na mnohija hady i na mnohija dziesiacihodździ. Možna kolki zaŭhodna kazać pra adsutnaść kalektyŭnaj viny, ale chłopcy, nie, tak nie pracuje. Ja dumaju, što spatrebicca hadoŭ 50, napeŭna. Dva pakaleńni prykładna dla taho, kab naniesienyja ciapier kryŭdy zahailisia. Dva pakaleńni — heta prykładna stolki, kolki spatrebiłasia majoj babuli, jakaja partyzaniła, kab pačać stavicca da niemcaŭ narešcie narmalna, a nie jak da fašystaŭ», — kaža Čały.
Hladzieć całkam:
