Pavodle viersii milicyi, dziejańniami hetych ludziej kiravaŭ BYPOL, a rabili jany ŭsio «za hrašovuju ŭznaharodu». 29-hadovy padazravany razam z dvuma svaimi znajomymi ŭviečary 28 lutaha adpraviŭsia na čyhunačny pierahon za horadam. Adzin čakaŭ u mašynie voddal, a dvoje vykonvali zadańnie: ablili haručaj vadkaściu relejnuju šafu sihnalnaj ustanoŭki i padpalili.
Padčas pieratrusaŭ pa miescach žycharstva i ŭ haražach zatrymanych nibyta znajšli «dokazy ich złačynnaj dziejnaści: haručyja vadkaści, bałakłavy i maskchałaty, chałodnaja zbroja i instrumienty dla ŭzłomu».
Ciapier zatrymanyja abvinavačvajucca ŭ teraryźmie.
Nahadajem, što 1 sakavika ŭ 23:08 na pierahonie Astankavičy — Žerdź homielskaha adździaleńnia Biełaruskaj čyhunki była spalenaja relejnaja šafa sihnalizacyi, centralizacyi i błakavańnia (SCB), i ŭ vyniku śviatłafory i strełačnyja pieravody na hetym učastku apynulisia ŭ niepracoŭnym stanie.