Pieršy raŭnd pieramovaŭ u Homielskaj vobłaści
Jon nazvaŭ try asnoŭnyja pryčyny, pa jakich Rasija tak chutka pajšła na pieramovy z Ukrainaj ab spynieńni vajny:
— usio pajšło nie tak, jak čakali,
— u RF adrazu zrazumieli, što reakcyja Zachadu — nie taja, na jakuju raźličvali, i treba rabić ź siabie ludziej, jakija hatovyja da spynieńnia vajny,
— pieramovy prapanavali dla imitacyi pracesu.
«Bo «kalibry» ludziej, jakija pryjechali tudy (na pieramovy), pakazvajuć niesurjoznaść staŭleńnia da pieramoŭnaha pracesu z boku RF. U nas skład delehacyi: kiraŭnik parłamienckaj bolšaści (David Arachamija), ministr abarony (Alaksiej Reźnikaŭ), daradca kiraŭnika Ofisa prezidenta (Michaił Padalak). A u ich — «niešta takoje «miadzinskaje» [adsyłka da Uładzimira Miadzinskaha, pamočnika Pucina, kiraŭnika rasijskaj delehacyi na pieramovach]», — adznačyŭ Arastovič.
Pavodle jaho słoŭ, ad raunda da raŭnda pierahavoraŭ patrabavańni Rasii źnižajucca: «Pieršy raz, kali jany prapanavali pieramovy — heta było na druhi dzień vajny, i my tut čakali desant na Piačersk, prezidentu prapanoŭvali evakujavacca, a jon admoviŭsia — Rasija prapanavała pieramovy na ŭmovie biezumoŭnaj kapitulacyi Ukrainy. Prezident tady paśmiajaŭsia, tamu što heta było vielmi śmiešna.
Ciapier jany pastupova źnižajuć płanku, miarkujučy pa ich aficyjnych kamientaryjach. Kudyści padziełasia denacyfikacyja. A heta było hałoŭnaje zajaŭlenaje patrabavańnie i pieršačarhovaja zajaŭlenaja meta vajny, abvieščanaja najvyšejšym kiraŭnictvam RF. Demilitaryzacyja? Kali pahladzieć na straty rasijskija — tut pytańnie, chto kaho demilitaryzuje. Pakul my heta robim pa poŭnaj», — dadaŭ Arastovič.
Daradca kiraŭnika ofisa Zialenskaha ź ironijaj vykazaŭ mierkavańnie, što praź dziesiać dzion płanka RF na pieramovach budzie vyhladać prykładna tak: «Nu, chacia b na aficyjnym uzroŭni nie vykarystoŭvajcie viadomuju kryčałku charkaŭskich futbolnych zaŭziataraŭ [Pucin — ch**ło]. Heta budzie adzinaje patrabavańnie, jakoje jany pakinuć».
