Adklučeńnie ad akaŭntaŭ, imavierna, vymušanaja miera zaściarohi: va ŭmovach sankcyj možna stracić dostup da karparatyŭnych zachodnich resursaŭ praz toje, što na ich zachodziać z padsankcyjnaj krainy.
U Flo nijak nie prakamientavali hetuju infarmacyju.
Ci aznačaje pierajezd minskaha ofisa zakryćcio jurasoby ŭ Biełarusi, niezrazumieła. Status TAA «Fło Chiełs Bieł» — dziejny, abjavy pra likvidacyju jurydyčnaj asoba ŭ ADR niama.
Miž tym, na pačatku sakavika ŭ TAA «Fło Chiełs Bieł» źmianiŭsia ŭłaśnik: zamiest amierykanskaj kampanii «Fło Chiełs, Ink», jakaja vałodała 100% TAA «Fło Chiełs Bieł» sa žniŭnia 2018 hoda, biełaruskaja kampanija ciapier naležyć fizičnaj asobie.
Na sajcie kampanii niama zhadak pra ofis u Minsku, akramia taho, ni na sajcie, ni na staroncy kampanii ŭ LinkedIn niama minskich vakansij.
Flo Health — kampanija ź biełaruskimi karaniami, jakaja vypuskaje papularnuju mabilnuju prahramu ŭ siehmiencie žanočaha zdaroŭja. Štab-kvatera — u Łondanie, maje pradstaŭnictvy ŭ Niderłandach i ZŠA, ofisy raspracoŭki ŭ Minsku i Vilni (apošni adkryty ŭ kancy 2020 hoda). Kolkaść supracoŭnikaŭ na kaniec 2021 hoda — kala 400 čałaviek, ź ich u Minsku — kala pałovy.
Uvosień 2021 hoda Flo zakryła inviestycyjny raŭnd B. Ahulnaja suma inviestycyj skłała $50 młn, acenka kampanii dasiahnuła $800 młn. mierkavałasia, što Flo voś-voś stanie nastupnym adnaroham ź biełaruskimi karaniami paśla PandaDoc.
