Ab prablemach sa zdymańniem dalaraŭ z rachunkaŭ u «Pryjorbanku» siońnia paviedamili čatyry klijenty hetaha banka.
«Padobna na toje, što ŭ «Pryjorbanku» skončylisia dalary. U piatnicu 18 sakavika zdymaŭ hrošy z dalaravaha rachunku. Hrošy zamaŭlaŭ zahadzia. Ale ŭ adździaleńni ŭ Minsku na vulicy Prytyckaha, 91 skazali, što mohuć vydać tolki ŭ jeŭra, bo dalary naohuł nie pryvieźli», — paviedamiŭ minčuk.
Jašče adna čytačka raspaviała, što dva tydni tamu pakinuła ŭ «Pryjorbanku» zajaŭku na źniaćcie dalaraŭ z valutnaha rachunku, ale joj nie zmahli vydać sumu ŭ amierykanskaj valucie. «Prapanoŭvali vydać u jeŭra pa kursie kanviersii 1 da 1,12. I takaja situacyja była ŭ mnohich u hetym adździaleńni. Atrymałasia tolki znoŭ zamović źniaćcie na 7 krasavika. Ale skazali, što harantyj niama», - udakładniaje minčanka.
U «Pryjorbanku» raniej uviali limit na źniaćcie najaŭnaj valuty — da 3000 dalaraŭ u ekvivalencie za adzin raz. Pry hetym treba zamaŭlać patrebnuju sumu. «Papiaredniaja zamova patrabujecca pry źniaćci sumy bolš za 1000 rubloŭ abo zamiežnaj valuty ŭ pamiery, ekvivalentnym bolš za 10 dalaraŭ — udakładniali ŭ banku. — Maksimalnaja suma zamovy adnym klijentam - nie bolš za 3000 dalaraŭ u ekvivalencie».
Atrymać apieratyŭny kamientar u banku nie ŭdałosia. Kantakt-centr pierahružany, paviedamlajecca, što prykładny čas čakańnia adkazu — bolš za 30 chvilin.
