«Siarhiej Karakin pryznany vinavatym u parušeńni artykuła 2.2.10 Kodeksa etyki FIDE i padlahaje adchileńniu ad spabornictvaŭ na šeść miesiacaŭ, jamu zabaroniena ŭdzielničać u jakaści hulca ŭ lubych rejtynhavych šachmatnych spabornictvach pad ehidaj Arhanizacyi, pastanova pačynaje dziejničać z daty abviaščeńnia — 21 sakavika 2022 hoda», — havorycca ŭ zajavie.
27 lutaha šachmatyst apublikavaŭ adkryty list na imia prezidenta RF, u jakim padtrymaŭ rasijskaje ŭvarvańnie va Ukrainu. «Ja ŭvažliva saču za śpiecapieracyjaj na ziemlach, dzie prajšło majo dziacinstva, dzie ja vučyŭsia hulać u šachmaty i dzie da hetaha času žyvuć maje svajaki. Doŭhija vosiem hadoŭ my z nadziejaj čakali vyratavańnia ad nieźličonych abstrełaŭ, bieśpierapynnaha hienacydu z boku pakul jašče dziejučaha kijeŭskaha režymu. Vykazvaju vam, našamu hałoŭnakamandujučamu, poŭnuju padtrymku ŭ abaronie intaresaŭ Rasii, našaha šmatnacyjanalnaha rasijskaha naroda, likvidacyi pahroz i ŭstanaŭleńnia miru», — napisaŭ Karakin u Instahramie.
Paśla hetaha FIDE adkryła dyscyplinarnuju spravu ŭ dačynieńni da hrosmajstra.
«Hetaje rašeńnie čakanaje, ale ad taho nie mienš kryŭdnaje, tamu što da mianie pastavilisia pa-śvinsku», — zajaviŭ Karakin, kamientujučy vierdykt kamisii FIDE.
