Mark Biernštejn — pradprymalnik i lehiendarny aŭtar Vikipiedyi. Jon viadomy va ŭsim śviecie jak Pessimist2006 — topavy redaktar «Vikipiedyi». Z 14 červienia 2008 hoda jon unies u roznyja artykuły bolš za 200 tysiač pravak. Mark uvachodzić u śpis «top-50 najlepšych aŭtaraŭ siehmienta na ruskaj movie».
Pra jaho zatrymańnie stała viadoma 11 sakavika. Jaho zatrymali supracoŭniki HUBAZiKa, a ŭ ich telehram-kanale było apublikavanaje fota z nadpisam: «Hety čałaviek raspaŭsiudžvaje fejkavyja antyrasijskija materyjały».
12 sakavika Mark byŭ asudžany na 15 sutak. Adnak pa adbyćci administracyjnaha aryštu stała viadoma pra kryminalnuju spravu. Na volu jon tak i nie vyjšaŭ.
